الطريقة الاولي لعمل باك لينك Blog Comments بطريقة شرعية 100%

بعد ما عرفت الفرق بين الباك لينك الشرعي - السبام ، هقولك ازاي تبني باك لينك بـ طرق الـ Gray Hat
طبعا كل الطرق اللى كنت بتستخدمها زمان لو انت قديم زي انك تدخل صفحة بيج رانك عالي "مبقاش في حاجة اسمها بيج رانك دلوقت " وتحط فيها سبعتلاف كلمة بلينكاتك اللى بتستهدفها، كل دا انتهي، طيب هنعمل ايه دلوقت؟!
هقولك ببساطة انت مش محتاج غير انك تعمل الشغل بطريقة صح، وهقولك المصادر المختلفة اللى هتجيب منها باك لينك ، وبعضها الناس معتقده انو مبقاش ينفع زي ما قريت او بتقرأ عن الدلائل مثلا ، لكن انا هقولك امتي الدلائل هتنفعك و غيرها من الاستراتيجيات اللى المفروض انها Black Hat، لكن لو اتعملت صح هتبقى Gray hat وهترفع موقعك بنسبة كبيرة في الـ SERP.
1- *****Blog Comments*****
ايه دا كومنتات ؟ دا احمد بدأ يخرف ويشتغل سبام! :D لا يجماعه كومنتات تقدر تخليها بلاك هات و تضر موقعك ، وتقدر تشتغل بيها Gray hat وتفيد موقعك.
** طيب ازاي اعمل Blog commenting Backlink شرعي 100% ؟!
1- متروحش اي مكان تاخد منو باك لينك خد من المواقع القوية بس ( عشان نستخدم الاستراتيجية دي بالحد الادني اللى يحققلنا افادة بدون ضرر ان شاء الله).
2- لازم زي ما قولنا ميت مرة قبل كدا التشابه في المحتوي ( متروحش موقع ديكور، تحط فيه باك لينك لموقعك بتاع الرياضة)
3- نزاهه الموقع ( يعني متروحش موقع سبام سكور 8 تاخد منو باك لينك. )
4- يفضل تختار مواقع بنفس لغة موقعك ، ( عشان طبيعي ان الزوار هتستفاد بعد ما تدخل موقعك مش يبقى زائر صيني يدخل يلاقي الكلام عربي ، اكيد هيتصدم نفس صدمتك لما تقرا كلام صيني :D ).
5- حط كومنت مفيد ، بيقدم فكرة جديدة او بيناقش فكرة مطروحة من زاوية مختلفة، و أدمج الباك لينك بتاعك بطريقة شيك مثلا دخلت موقع ديكور موضوع بتاع مطابخ. الكومنت مثلا ( مجموعه رائعه من التصاميم ، اعجبني تصميم المطبخ الثاني فهو يقدم مساحة جيدة لعمل الطعام و يسهل ايضا الحركة في ارجاء المطبخ اثناء تحضيره، و جود "سفرة مطبخ" تساعد في تقليل المساحة المستخدمه في عمل غرفه خاصة بالطعام. ) الباك لينك مثلا في كلمة " سفرة مطبخ".
6- في نقطة اسمها Bed Neighbors واللى هو انك واخد باك لينك ، من صفحة فيها باك لينكات كتييرة جدا لمواقع ضعيفه او سبام. حاول تتجنبها قدر الامكان!
-
**- ليه لو عملنا كدا هيبقى الباك لينك شرعي ؟!
عشان من الطبيعي ان اي كومنت بينزل ف اي موقع مشهور او قوي، هيتم مراجعته من صاحب الموقع،و يقدر يمسحة او ميقبلش نشرة من الاساس ، وكدا نبقى دخلنا في دايرة الامان اللى جوجل قالنا عليها اللى هو " Editorial BackLink".
-
**- نيجي للنقطة الاهم وهي التطبيق العملي
إزاي اجيب مواقع اعمل فيها باك لينك من خلال الكومنت في المدونات وكمان مشابهه لموقعي؟!
*اولا ً هتستخدم اضافة Mozbar لمتصفح كروم، عشان تبينلك الدومين اثورتي/ البيج اثورتي/ السبام سكور.
هتستهدف مواقع دومين اثورتي +20 - سبام سكور أقل من -4
*ثانيا ً هتستخدم اوامر البحث دي ، عشان تدور علي مدونات مشابهة لموقعك ومتاح فيها الكومنت. ( إستبدل كلمة Keyword بالكلمة او النشاط المراد استهدافها او البحث عن مدونات شغاله فيه )
---
keyword "This blog uses premium CommentLuv" -"The version of CommentLuv on this site is no longer supported."
---
keyword "if you have a website, link to it here" "post a new comment"
*بعد كدا هيظهرلك النتايج ، تبتدي تحاول تاخد منها المواقع الاقوي و الافضل و المشابهه لموقعك، وتحاول تاخد منها باك لينك من الكومنت.
-
*طريقة تانية خالص تريحك من البحث اليدوي علي المواقع اللى شغاله في نشاط معين او كلمة معينة ، وفيها كومنت للمدونات.
استخدم موقع " http://dropmylink.com " وإبحث بأي كلمة انت عايزها. بعد اختيار " Category : Comments Backlinks "
اتمني يكون البوست استفدتو منو بحاجة، و ان شاء الله هكمل باقي الطرق المستخدمه في بناء باك لينك شرعي البوست القادم.
تقبلو تحياتي ، وبعتذر عن التأخير لضيق الوقت (Y)
تقدر تتابع اهم الموضوعات اللى نشرتها عن الـ SEO من هنا