إيه الفرق بين الباك لينك الشرعي / المخالف ، و مقدمة عن ازاي تشتغل Gray Hat ؟

موسم الباك لينك - هبدأ بإذن الله نشر سلسلة بوستات عن الباك لينك ، بحيث تقدر تتابع كل الجديد في طرق بناء الباك لينك الشرعيه
100%.
هنبدأ بإذن الله بأهم موضوع في كل دا.
إيه الفرق بين الباك لينك الشرعي / المخالف ، و إيه هو السبام ؟
هنشوف عم جوجل قال ايه عن موضوع جودة الباك لينك ؟
" Any links intended to manipulate PageRank or a site’s ranking in Google search results may be considered part of a link scheme and a violation of Google’s Webmaster Guidelines. This includes any behavior that manipulates links to your site or outgoing links from your site. "
بالمعني البسيط ، أي لينك هيشتبه فيه انو معمول عشان يغير ترتيب صفحتك في محرك البحث قد يعتبر ضمن حيل الروابط و ينتهك ارشادات الجودة لجوجل ، وذلك يتضمن اللينكات الموجهه لموقعك ، أو اللينكات التي تضعها في موقعك لمواقع اخري.
طبعا انت هتشوف الكلام دا هتحس انك اتصدمت :D وكل الشغل مخالف و سبام ، هقولك لا خد بالك انو قال " May be considered part of link scheme " يعني احتمال يحصل كدا و احتمال لا .. طيب هنعرف الاحتمالات دي ازاى تعالى نشوف ..
محترفين السيو ، بيلعبو علي نقطة الوسط ، لأن زي ما بتسمعو في حاجة اسمها White Hat ودا اللى هي الطرق الشرعيه ، و حاجة تانية اسمها Black Hat و دي الطرق السبام . بس الفن إنك تلعب بين الاتنين بطرق مختلفة و دا اسمو شغل الـ Gray Hat.
ف كلام جوجل عن الباك لينك قال ف الاخر المقاله الكلام دا
" The best way to get other sites to create high-quality, relevant links to yours is to create unique, relevant content that can naturally gain popularity in the Internet community. Creating good content pays off: Links are usually editorial votes given by choice, and the more useful content you have, the greater the chances someone else will find that content valuable to their readers and link to it. "
بمعني
وتلخيص الكلام دا ف نقطتين:
-جوجل عايز يقولك ان افضل طريقة عشان تجذب المواقع التانية انها تعملك باك لينك من نفسها انك تعمل محتوي عالي الجودة يجذب الزوار
-و إن أي لينك هتاخده لموقعك يكون " Editorially Given " يعني يكون في قدرة لصاحب الموقع انو يشوف اللينك بتاعك ويمسحة او يعدل عليه
وتاني نقطة دي اللى بتفتحلنا مجال كبير جدا نشتغل عليه اللى هو طرق بناء الباك لينك الشرعي في الحاجات دي ولكن بشروط مهمه جداً
الشروط دي هي اللى هتخلي الباك لينك دا Gray مش Black.
ازاي و ليه الباك لينك في كل حاجة من دول هيكون شرعي و مش مخالف
أول حاجة لازم تعرفها ف الشروط ان الباك لينك يبقي شرعي.
1- محتوي مشابه ، متروحش موقع متخصص ف السيارات ، وتحط رابط تنظيف منازل في الدمام
2- حاول تخلي نسبة 70% من المواقع اللى بتاخد منها باك لينك تكون نفس لغة موقعك
3- باك لينك واحد في كل موضوع
4- خليك شقي ولو مش عارف تاخد باك لينك رابط عشان المشرف بيحذفه ، خد باك لينك صورة من موقعك
5- موضع الباك لينك مش ف الاول ومش ف الاخر ، ف نص الكومنت
6- الكومنت مش شكرا ، وتسلم ايدك .. هو مش عاملك صنية بطاطس ادخل حط فايدة او اشرح تجربة ليك و ادمج الباك لينك ف نص الكلام دا كمصدر او كنصيحة عشان لو جاب زيارات يبقي حقق الفايدة الضعف.
7- متروحش تاخد باك لينك من مواقع ضعيفه عشان متتعبش نفسك علي الفاضي ، اشتغل في مواقع دومين اثورتي اعلي من 25 ع الاقل ، وكل ما تعلي يبقي احسن خصوصا المواقع النشيطة.
اهم الحاجات دي هشرحها بعد كدا بالشروط بتاعتها ان شاء الله ف البوست اللى جاي:
ازاي تاخد باك لينك شرعي و يرفع موقعك في الـ SERP بدون اي قلق من مخالفات من جوجل.
Forums
Blog Comments
E-mail outreach
Reviews
Directories
.edu .gov backlinks
اتمني ان شاء الله ان اكون فيدتكو، حاولت اوصلكو ملخص المقاله اللى نازلة ف Ahrefs ونشرتهالكو قبل كدا هنا مع شوية اضافات عشان الموضوع يبقي بسيط لكل الناس.
اسألكم الدعاء ♥
SEO
Gray_Hat
Backlinks